ऋण खोजेर मोटरबाटो

ऋण खोजेर गाउँमा मोटरबाटो पुर्‍याएको समाचार सुन्नुभएको छ ? छैन भने दक्षिण पर्वतस्िथत शालिग्राम गाविस पुग्नूस्।

सरकारले मोटरबाटो निर्माणका लागि आर्थिक सहयोग नदिएपछि शालिग्रामवासीले सल्लाह गरे। र, ऋण खोजेरै भए पनि देउरालीदेखि गहते हँुदै डुम्रेगैरासम्म एक किलोमिटर सडक निर्माण गरे। "गाउँमा मोटरबाटो नपुग्ने भएपछि ऋण खोज्न बाध्य भयौँ," मोटरबाटो निर्माण समितिका अध्यक्ष भक्तबहादुर क्षेत्री भन्छन्, "गाविसले उपलब्ध गराएको आंशिक रकमबाहेक अरू हामीले ऋण खोजेर नै जम्मा गर्‍यौँ।"

क्षेत्रीका अनुसार, सडक निर्माणमा खर्च भएको ५ लाख ३ हजार रुपियाँमध्ये १ लाख १० हजार रुपियाँ गाविसले उपलब्ध गराएको थियो भने बाँकी रकम स्थानीयवासीले ऋण खोजेका थिए। मोटरबाटो निर्माणमा लागेको ऋण सबै स्थानीयबासी मिलेर क्रमशः तिर्दै जाने योजना बनाएको समितिका अध्यक्ष क्षेत्री जानकारी दिन्छन्। जिल्लाकै सबैभन्दा विकट गाविसका रूपमा रहेको शालिग्राममा मोटरबाटो निर्माण भएपछि गाउँघरमा उत्पादित फलफूल र तरकारी बिक्रीका लागि बजारसम्म पुर्‍याउन सहज भएको छ। "त्यति मात्र होइन, गाउँमा बाटो पुगेपछि आवतजावत गर्न पनि धेरै सुविधा भएको छ," समितिका अध्यक्ष क्षेत्री भन्छन्, "हामीले ऋण खोजेर बाटो खनी अरूलाई पनि पाठ सिकाएका छौँ।