पानी पार्ने रूख !

टन्टलापुर घाममा पनि पानी परिरहेको जस्तो वातावरण सिर्जना गर्ने रूख भेटिएको छ । त्यो पनि हाम्रै नेपालमा । मकवानपुरको नवलपुरस्थित सरस्वती सामुदायिक वनमा 'पानी पार्ने' रूख भेटिएको चर्चासँगै रूख हेर्न पुग्नेको संख्या पनि बढेको छ ।

"मज्जाले घाम लागेको छ । तर, रूखको छहारीमा पुग्दा पानी परेजस्तो हुँदोरहेछ । रूखको फेदमा हिलो पनि देख्न सकिन्छ," सरस्वती सामुदायिक वनमा पुगेर अचम्मको रूख हेरेर हेटाँैडा फर्केकी सविना घिमिरे भन्छिन्, "रूखले पानी पार्ने कुनै वैज्ञानिक कारण त होला तर त्यहाँ पुग्ने जोकोही अचम्ममा भने पर्छन् ।"

वनस्पति कार्यालय, हेटाँैडाका सहायक अधिकृत दीपक लामिछानेका अनुसार, पानी पार्ने त्यो रूख साज जातको हो । "कहिलेकाहीँ सूर्यको प्रकाश तेज भएका बेलामा पनि रूखबाट पानी पर्न सक्छ," लामिछाने भन्छन्, "साजको रूखबाट कसरी पानी पर्‍यो भन्नेबारे राम्ररी थाहा पाउन भने अनुसन्धान नै गर्नुपर्छ ।"






"