मेरो सिनेमा
ओस्कार अवार्डमा मनोनित चलचित्र 'क्याराभान' अभिनेता थिन्ले लामो समयपछि नेपाली चलचित्रमा कमब्याक गर्दैछन् ।फिल्म मेकिङका विद्यार्थी मीनबहादुर बमले निर्माण गर्न लागेको चलचित्र 'कालो कन्भस्र'मा नेपाली फिल्मका आइकन थिन्लेले पुनः डोल्पाली जादु छर्नेछन् ।
बमले आफ्नै निर्माण/निर्देशन गर्ने चलचित्रमा थिन्ले मुख्य पात्रका रुपमा अभिनय गर्नेछन् । 'फिल्म खेल्न थिन्लेले पहिल्यै सहमति जनाइसक्नुभएको थियो' बमले मेरो सिनेमासँग भने 'पुसमा उहाँ राजधानी आएपछि सुटिङ थाल्नेछौं ।'
डिजिटल फ्म्र्याटमा निर्माण गर्न लागिएको चलचित्रको स्क्रिनप्ले पनि बम आफैको छ । स्क्रिप्टको काम सकिएको छ । एकजोर कालो जुत्ताले व्यक्तिहरुको सम्बन्धमा कसरी उतारचढाव ल्याउँछ भन्ने कथावस्तुमा फिल्म बन्नेछ ।
'किनकी कालो जुत्ता नेपाली समाजको यथार्थ हो, जसले सामन्तवाद जनाउँछ' बम भन्छन् 'खासगरि समानताको सन्देश चलचित्रको उद्देश्य हो ।' थि्रलर चलचित्रमा थिन्लेले नायकको पिताको भूमिकामा छन् । उनको गेटअप पूर्णरुपमा भिक्ष्ाको हुनेछ ।
निर्माणपक्ष यतिबेला चलचित्रका अन्य कलाकारको तय गर्न लागिपरेको छ । 'सम्भवतः नायकमा रकस्र रविन तामाङ वा रंगकर्मी सौगात मल्ल हुनेछन्' बमले जनाए 'नायिकामा झरना बज्राचार्य वा नम्रता श्रेष्ठलाई लिनेछौं ।'
बमले फिल्मको स्क्रिप्ट सबै थिन्लेलाई सुनाइसकेका रहेछन् । 'हुन्छ म तयार छु' थिन्लेको भनाई उध्दृत गर्दै बम भन्छन् 'म पुसमा काठमाडौं आउँछु अनि सुटिङ थालौंला ।' सुटिङ जाडो मौसममा गरिने तय भएको छ ।
के गर्दैछन् थिन्ले ?
८३ वर्षिय थिन्लेले ओस्कार मनोनित चलचित्र 'क्याराभान'मा कहिल्यै बिस्रन नसकिने अभिनय गरेका थिए । यतिबेला उनी आफ्नै जिल्ला डोल्पाको दुर्गम गाउँमा बस्छन् जुन ठाउँ पुग्न डोल्पा एयरपोर्टदेखि नौ दिनको पैदल हिँड्नुपर्छ ।
थिन्लेले नेपथ्यको 'सा कर्णाली' म्युजिक भिडियोमा पनि अभिनय गरेर प्रसिद्धी बटुलेका थिए । राष्ट्रिय योजना आयोगको ५० लाख र अन्य दातृ निकायबाट संकलित पैसाबाट उनले आफ्नो दुर्गम गाउँमा विद्यालय र स्वास्थ्य चौकी खोलेका छन् ।
उनी त्यहाँ समाजसेवा गर्छन् । उनको नाममा गठित 'थिन्लेक्याराभान' नामक अन्तराष्ट्रिय गैरसरकारी संस्थाले उपल्लो डोल्पामा शिक्षा स्वास्थ्यको क्षेत्रमा काम गरिरहेको छ । प्रायः गाउँ नछाड्ने थिन्ले फिल्म सुटिङका लागि पुसको जाडोमा काठमाण्डू आउँदैछन् ।
0 comments:
Post a Comment