जीवनसाथीद्वारा सताइएको हुनुहुन्छ भने सावधान बन्नुस्, यो तपाईंको मुटु स्वास्थ्यका लागि ठीक छैन । साथीको यस्तो बानीले तपाईंमा एन्जाइना -मुटुको दुखाइ) को जोखिम बढाउन सक्छ ।
एन्जाइना भए छातीमा पीडा वा बेचैनी अनुभव हुन्छ । यस्तो प्रायः मुटु रोगका कारणले हुन्छ । यही कारणले कहिलेकाही काँध, पेट, गर्दनमा समेत पीडा हुन सक्छ ।
जनरल अफ इपिडिमियोलजी एन्ड कम्युनिटी हेल्थका अनुसार केही व्यक्ति यस्तो स्थितिमा पीडा अनुभव गर्छन् । साथीप्रतिको अत्यधिक तिर्सना र ऊबारे गरिने गम्भीर चिन्ता यो रोगको प्रमुख कारण रहेको कोपेनहेगेन विश्वविद्यालयका अनुसन्धानकर्ताहरूले बताएका छन् । यो निष्कर्षमा पुग्नअघि एउटा अनुसन्धान गरिएको थियो । त्यसमा महिला र पुरुष गरी चार हजार पाँच सय जनालाई सामेल गरियो । सन् २००० मा यो अनुसन्धान सुरु हुँदा यसमा सामेल कुनै सहभागीलाई मुटु रोग थिएन ।
सहभागीहरूलाई दुई समूहमा बाँडियो । अध्ययनको सुरुवातमा एउटा समूहमा सामेलहरूको उमेर ४० वर्ष हाराहारी थियो भने अर्को समूहका ५० वर्ष । ६ वर्षसम्म उनीहरूको अध्ययन गरियो । त्यसको परिणामले के देखायो भने जीवनसंगिनीको चाहनाले एन्जाइनाको खतरा चार गुणासम्म बढाउँछ ।
बच्चा वा अन्य पारिवारिक सदस्य भइदिए हुन्थ्यो भन्ने इच्छाले चाहिँ रोगको जोखिम दुईगुणा बढाउँछ । तपाईंले छिमेकीसँग बढी झगडा वा भनाभन गर्नुभयो भने पनि यो समस्या उब्जने सम्भावना ६० प्रतिशतसम्म
बढ्छ ।
kantipur
0 comments:
Post a Comment