कसको पोसाक राम्रोः
अलाबामामा पहिलो सेक्स ड्राइभ
अमेरिकाको अलाबामा राज्यमा सेक्सटोयको खरिद बिक्रीमाथि प्रतिबन्ध लगाइएको छ, यद्यपि सोही राज्यमा हालै सेरी विलियमले सवारी साधनमा बोकेर घुमाउँदै बेच्न मिल्ने सेक्सटोयको पसल खोलेकी छिन् । प्लिजर नाम दिइएको उक्त पसलको झ्यालबाट सेरीले यौनका विभिन्न सामग्री बिक्री गर्छिन् । उनी ग्राहकलाई पसलभित्र पस्न दिन्नन् भने खैरो कागजमा पोको पारेर झ्यालबाटै सेक्सटोय दिने व्यवस्था मिलाइएको छ । अहिले त्यहाँ सेक्सटोयका अतिरिक्त चिल्लो पदार्थ र उत्तेजना बढाउने सामग्रीहरू बिक्री हुन्छ । सेक्सटोय बिक्रीमाथिको प्रतिबन्ध फुकुवा गर्न सेरीले अदालतमा मुद्दासमेत दायर गरेकी थिइन् । यस विषयमा अझै पनि स्पष्ट सुनुवाइ भएको छैन । सेरी चिकित्सकको परामर्शअनुसार मात्रसेक्स टोय बिक्री गर्छिन् । यसबाहेक यौ नसमस्याका विषयमा विभिन्न कार्यक्रम निरन्तर चलाउने उनले बताएकी छिन् । कन्डमको प्रयोग राम्रो
पोप बेनिडिक्ट सोर्हौंले कन्डमको प्रयोग केही हदसम्म राम्रो भएको बताएका छन् । जर्मनीका एक पत्रकारले लेख्न लागेको पुस्तकमा आफ्नो भनाइ राख्ने क्रममा पोप बेनिडिक्ट सोर्हौंले कन्डमको प्रयोग यौनसुख प्राप्त गर्नका लागि मात्र प्रयोग गर्न नहुने बताए । यौनका विषयमा नबोल्ने पोपले यस्तो विचार प्रस्तुत गरेपछि धर्मका अनुयायीहरूमा सकारात्मक भावना बढ्ने विश्वास गरिएको छ । 'लाइट अफ दि वल्र्डः द चर्च एन्ड द साइन्स अफ दि टाइम्स' पुस्तकमा अन्तर्वार्ता दिँदै बेनिडिक्ट सोर्हौंले भनेका छन्- कन्डम एड्सको रोकथाममा प्रभावकारी छ, तर व्यभिचार र बाहिरी व्यक्तिहरूसँग हुने यौनसम्पर्कलाई मनबाटै नियन्त्रण गर्न सक्नु नै एचआईभी/एड्सलाई नियन्त्रण गर्ने सबैभन्दा राम्रो उपाय हो । पोप बेनिडिक्ट सोर्हौंबाट यस्तो धारणा आएपछि संयुक्त राष्ट्रसंघले त्यसको स्वागत गरेको छ । पोपको यस्तो भनाइले एचआईभि/एड्सविरुद्ध लड्न थप सहयोग पुग्ने विश्वास गरिएको छ ।फेसबुकमा स्तन देखाउन किन नपाइने
सामाजिक सम्पर्कको सर्वाधिक लोकप्रिय माध्यमका रूपमा प्रस्तुत भएपछि फेसबुकले आफ्ना प्रयोगकर्तालाई दिने सुविधाहरूका विषयमा बेलाबेलामा विवाद हुने गरेको छ । प्रयोगकर्ताहरू फेसबुक डटकम आफ्नो इच्छाअनुसार चलोस् भन्ने चाहिरहेका छन् भने साइटका निर्माताहरू यसमा अश्लीलता नबढोस् वा कुनै नकारात्मक कामका लागि यसको प्रयोग नहोस् भन्ने विषयमा सजग छन् । केही समयअघि फेसबुकमा महिलाले स्तनपान गराएको तस्बिर राख्ने विषयमा ठूलै विवाद भएको थियो । स्तनपान मायाको क्षण भएका कारण त्यसलाई अश्लीलतासँग जोड्न नहुने बताउँदै फेसबुकले स्तनपानका तस्बिर अपलोड गर्ने अनुमति दियो । हालै स्तन क्यान्सरका कारण स्तनको शल्यक्रिया गरेकी एक महिलाले आफ्नो काटिएको स्तनको तस्बिर अपलोडलगत्तै फेसबुकका सञ्चालकहरूले ती तस्बिर साइटबाट हटाए । ४३ वर्षीया एन्ना एन्टेलीले आफ्नै काटिएको स्तनको तस्बिर फेसबुकमा राख्न पाउनुपर्छ भन्ने आवाज उठाएपछि उक्त तस्बिरले फेसबुकमा पुनः प्रवेश पायो । एन्नाको मान्यता के थियो भने यो नग्नता होइन, यसले सकारात्मक सन्देश दिन्छ । किनभने अहिले विश्वमा महिलामा स्तन क्यान्सरको खतरा बढिरहेको छ । यो रोगका कारण महिलाले कति कुरुप भएर वाकी जीवन बिताउनुपर्छ भन्ने कुराको सन्देश यो तस्बिरले दिनेछ ।अदालतमा हाजिर
यौनसम्बन्धका क्रममा अत्यधिक ठूलो आवाज निकालेर छिमेकीको निन्द्र विगार्ने एक दम्पतीलाई अदालतले जरिवाना तिराएको छ । जर्मनीको लिचेनवर्गका ती दम्पतीविरुद्ध १० जना छिमेकीले उजुरी दिएपछि अदालतमा उपस्थित गराइएको थियो । जर्मन दम्पती स्टेफानी मुलर तथा लुकास जेष्ट्सुमाथि ध्वनि प्रदूषण बढाएको अभियोगका साथै छिमेकीमाथि व्यवधान खडा गरेको अभियोग लगाइएको थियो । अदालतले उनीहरूलाई राति साढे ११ बजेदेखि बिहान १ बजेसम्म ध्वनि प्रदूषण बढाएर छिमेकीलाई सुत्न नदिएको अभियोगमा ११ हजार रुपैयाँ जरिवना गर्ने निर्णय सुनायो । ती दम्पतीले आफूहरूले सामान्य रुपमा यौनसम्बन्ध राखेको र कुनै किसिमको चर्को आवाज ननिकालेको जिकिर गरेका थिए । अदालतले भने उनीहरूको मुखबाट आवाज नआए पनि खाटबाट आएको हुन सक्ने बताउदै जरिवना तिर्नैपर्ने आदेश दियो ।
भोट बढाउन कामुक प्रचार
स्पेनको काटालोनियामा हुन लागेको निर्वाचनका लागि उत्पादन गरिएको एक टेलिविज्ञापन अहिले चर्चामा छ । योङ सोसलिष्ट पार्टीले चुनावमा आफ्नो पार्टीलाई मतदान गर्न अपिल गर्दै जारी गरेको उक्त विज्ञापन कामोत्तेजक भएको भन्दै सत्तारुढ एवं प्रतिपक्ष पार्टीहरूले आलोचना गरेका छन् । लैगिंक समानता मन्त्रीले त्यसलाई समाजलाई नकारात्मक बाटोतर्फ मोड्न प्रेरित गर्ने विज्ञापनको संज्ञा दिएका छन् । विज्ञापनमा एक महिला सोसलिस्ट पाटीर् लाई मतदान गर्न लालायित रहेको देखाइएको छ । आफ्नो मतपत्रलाई ब्यालेट बक्समा खसालेपछि उनले भोटिङ गर्नु सर्वाधिक आनन्दको क्षण हो भन्ने कुरा बताउँछिन् । कामोत्तेजक हाउभाउमा प्रस्तुत गरिएको उक्त विज्ञापनले महिलाको बेइज्जत गरेको आरोप पपुलर पार्टीले लगाएको छ । उक्त विज्ञापनले गर्दा महिलाहरूलाई मतदान गर्न आउन अप्ठ्यारो स्थिति उत्पन्न हुने हुँदा त्यस्ता किसिमका विज्ञापनमाथि प्रतिबन्ध लगाउनुपर्ने माग पनि हुन थालेको छ । उक्त भिडियोलाई संसारभरका लाखौं व्यक्तिले हेरिसकेका छन् ।
अन्त्यमा...
अमेरिकाका चिकित्सकहरू रोमान्टिक हुँदै गएको पछिल्लो सर्वेक्षणले देखाएको छ । अनलाइन मेडिकल कन्सल्टेन्सी वेवएमडीले १० हजार चिकित्सकबीच गरेको सर्वेक्षणमा ११ दशमलब ७ प्रतिशत चिकित्सकले आफ्ना विमारीसँग रोमान्टिक एवं शारीरिक सम्बन्ध राख्ने गरेको बताएका छन् । उक्त अनलाइन सर्वेक्षण चिकित्सकहरूले पालना गर्नु पर्ने न्यूनतम सिद्धान्तलाई आधार मानेर गरिएको थियो । सर्वेक्षणमा सहभागि भएका चिकित्सकहरूले बिमारीसँगको रोमान्टिक सम्बन्ध अस्पतालमा नभएर उनीहरूको उपचार सम्पन्न भएको करिब ६ महिनापछि हुने गरेको बताएका छन् । चिकित्सकले बिमारीलाई देख्ने बित्तिकै रोमान्टिक व्यवहार नदेखाए पनि निरन्तर स्वास्थ्य परिक्षण गर्ने क्रममा उनीहरूसँग नजिक भएर कतिपय अवस्थामा सम्बन्धसमेत रहने गरेको बताए । सोही सर्वेक्षणमा सहभागी ८३ दशमलव १ प्रतिशत चिकित्सकले औषधी र रोमान्सलाई सँगै लान नसकिने बताएका थिए ।sapthahik
0 comments:
Post a Comment