आमा हुनुको गर्व
ट्वाइलाइटकी क्रिष्टेन अब बलिउडमा
चलचित्र 'काइट्स'मा मेक्सिकन सुन्दरी बारबारा मोरीसित अभिनेता ऋतिक रोशनको रोमान्स हेर्न पाएका दर्शकले चाँडै नै तिनै ऋतिकलाई अर्की हलिउड सुन्दरीसित देख्न पाउनेछन् । स्रोतका अनुसार निर्देशक शेखर कपुरले निर्माण गर्ने चलचित्र 'पानी' मा अभिनेता ऋतिकको जोडीका रूपमा हलिउड चलचित्र 'ट्वाइलाइट' की अभिनेत्री क्रिष्टेन स्टेवार्टलाई देख्न पाइनेछ । शेक्सपियरको 'रोमियो एन्ड जुलियट' मा आधारित चलचित्र 'पानी' मा क्रिष्टेनले धनी युवती र ऋतिकले गरिब युवकको भूमिका निर्वाह गर्नेछन् ।गीत गाउँदै नेहा धुपिया
ग्ल्यामरस छवि बनाए पनि कम सफलता आर्जन गरेकी बलिउड बाला नेहा धुपियाले आफ्नो आगामी चलचित्रका लागि गीत रेकर्ड गराएकी छिन् । सुरुमा गीत गाउन आनाकानी गरे पनि अन्ततः आफ्नो स्वरमा गीत रेकर्ड गराएकी नेहाले उक्त गीत चर्चित गायक कैलाश खेरसित गाएकी हुन् । स्रोतका अनुसार अभिनेत्री नेहाले उक्त चलचित्रमा पुरुषवर्गलाई घृणा गर्ने मुन्नी मेडमको चरित्र निर्वाह गरेकी छिन् ।एउटा विज्ञापनको सवा करोड
हलिउडका सेलिब्रेटीमध्ये नायिका जुलिया रोबर्ट्स ब्रान्ड छनौट गर्ने मामिलामा सधैं अग्रपंक्तिमा रहन्छिन् । उनी आफू सन्तुष्ट भएको ब्रान्डमा मात्र काम गर्न मन पराउँछिन् । हलिउडमा उनी महँगी नायिकाका रूपमा चिनिन्छिन् । पुनः एकपटक उनले आफूलाई महँगो भएको प्रमाणित गरेकी छिन् । हालै मात्र यी नायिकाले एउटा इटालियन कफीको विज्ञापनका लागि निकै मोटो रकम हासिल गरेकी छिन् । विज्ञापनमा उनले केवल कफीको वासना सुँघ्नका लागि करिब सवा लाख युरो (झन्डै सवा करोड रुपैयाँ) पारिश्रमिक लिएकी छिन् । विज्ञापन जम्मा ४५ सेकेन्डको छ । विज्ञापनमा जुलियाले एक शब्द पनि बोलेकी छैनन् । विज्ञापन एउटा पेन्टरबाट प्रारम्भ हुँदै जुलियामा आएर अन्त्य हुन्छ । यो महँगो विज्ञापनमा मोडलिङ गरेपछि जुलियाको अभिनय करियर ओरालो लाग्यो भनेर आलोचना गर्नेहरू अचम्ममा परेका छन् । एन्जोलिना जोली मन्दिर
हलिउडकी एक्सन नायिका एञ्जोलिना जोली देवीका रूपमा पुजिने भएकी छिन् । हालै प्रकाशित एक समाचार अनुसार कम्बोडियामा एउटा मन्दिरको नाम नै एञ्जो लिनाप्रति समर्पित गरिएको छ । युभिनर्स सोसाइटी अफ हिन्दुइज्मका अध्यक्ष राजन जैनका अनुसार उक्त मन्दिर १२ औं शताब्दीमै निर्माण गरिएको हो । यो मन्दिरलाई ' ओल्ड ब्रह्मा' पनि भनिन्छ । यसभन्दा अघि यो मन्दिरको नाम 'राजाविहार' राखिएको थियो । अहिले आएर उक्त मन्दिरको नाम 'एञ्जोलिना जोली मन्दिर' राखिएको छ । भनिन्छ, 'टम्ब राईडर' श्रृंखलाको पहिलो चलचित्रमा यो मन्दिरका थुप्रै दृश्य समावेश छन् । जोलीले नै उक्त चलचित्रमा अभिनय गरेकी छिन् । जोलीले निकै अघि उक्त प्राचिन मन्दिरको संरक्षणमा सहयोग गर्ने घोषणा गरेकी थिइन् । राजनका अनुसार जोलीले उक्त धार्मिक धरोहरको संरक्षणप्रति जागरूकता फैलाउन सल्लाह दिएकी छिन् । स्मरण रहोस्, जोलीले कम्बोडियाकै मेडक्सलाई धर्मपुत्र बनाएकी थिइन् ।क्याटरिना अब राधाका रूपमा
ग्ल्यामरस, बोल्ड र सेक्सी क्याटरिना कैफ पछिल्लो पटक चलचित्र 'राजनीति' को डिग्ल्यामराइज्ड भूमिकामा पनि उत्तिकै चर्चामा रहिन् । अब क्याटरिना कैफ धार्मिक चरित्र राधाको भूमिका देखा पर्ने भएकी छिन् । चलचित्र 'मैं कृष्णा हुँ' मा क्याटरिनाले राधाको भूमिका निर्वाह गर्ने बताइएको छ । उक्त चलचित्रमा आफ्नो भूमिकालाई जीवन्त बनाउन अभिनेत्री कैफले भगवान् श्रीकृष्णको जीवनीमा आधारित पुस्तकहरू अध्ययन गर्न थालेको समाचार एजेन्सीहरूले बताएका छन् ।sapthahik
0 comments:
Post a Comment