अमेरिकाका एक व्यक्तिले आफूलाई जन्मदिने आमा अन्ततः फेला पारेका छन् । तर उनी त्यतिबेला चकित परे, आफूलाई जन्मदिने आमाको दाह्री सेतै फुलेका रहेछन् । दाह्रीयुक्त महिलाको नाउँले प्रख्याति कमाएकी भिभियान हृवीलर, ६२, आफ्नी आमा भएको चाल पाएपछि रिचर्ड लोरेन्क, ३३, छक्क परेका छन् ।
छोरा रिचर्डले केन्सास राज्यको डिमार्टमेन्ट अफ सोसल एन्ड रिहृयाबिलिटेशन र्सर्भिसमा छ साता लगाएर गरेको खोजपछि उनले आफ्नी आमा पत्ता लगाएका हुन् ।
यता उनकी आमाले उनलाई जन्म दिएयता बिहे नगरेको बताइएको छ । भिभियान उनकी आमाजस्तै दाह्रीवाल रहेको र त्यस्तालाई डाक्टरहरुले हाइपरट्रीकोसिस भनिने बताइएको छ । अमेरिकीहरुले त्यसलाई "वेयरवल्फ सिन्ड्रोम" समेत भन्ने गरेका छन् । यस्तो अवस्थामा महिलाहरुमा अत्याधिक रुपमा दाह्री पलाउने गर्दछ ।
यी महिला जन्मदैको महिला र पुरुष दुवै जनेन्द्रीयका साथ जन्मिएकी थिइन् । उनकी आमाले यस्तो विचित्रको सन्तान जन्मिएको देखेपछि उनको पुरुष जनेन्द्रीय काट्न डाक्टरहरुसँग सहयोग मागेकी थिइन् ।
भिभियान महिला भए पनि पुरुषको जस्तो दाह्री पलाउन थालेपछि उनका पिताले उनलाई विभिन्न ठाउँमा काममा पठाउँथे र काम गरेबापत् १ हजार डलर पारिश्रमिक पाउने गर्थिन् । सानै उमेरदेखि उनले घर चलाउन थालेको उनको भनाइ छ ।
गिनिज बुक अफ रर्ेकर्ड्स्ले महिलाहरुमध्येमा सबैभन्दा लामो दाह्री भएकी महिलाको उपाधि दिएको थियो । उनले दाह्रीलाई ११ इञ्च लामो बनाएकी थिइन् ।
यता रिचर्डलाई उनले अरुलाई नै पाल्न दिएकी थिइन् । छोरो हर्ुर्किएर आएका कारण छोरासँगै जीवन बिताउन क्यालिफोर्नियाबाट केन्सस र्सर्ने भएकी छिन् ।
enasha
0 comments:
Post a Comment